Page 19 - KPA 6NOV,2015

Ladronicia cu Violencia na Fofoti
Tours
Friday, 06 November 2015 11:16

Comparti

Mainta trempan empleadonan di Fofoti Tours na Orange Plaza a yega na nan oficina y haya e negoshi
kibra. Via porta patras a drenta den e negoshi forzando e porta. Djey a reboltea e lugar y a horta
solamente 200 florin.
E directora Sharlise Croes a splica cu nan no sa laga placa pasobra tur dia ta deposit. Ademas e ladron a
forsa aki aya y no a horta nada otro cu e placa. Ora a yama Polis y a bai pasa rond a topa cu e security
benta abou y herida. Esey nifica cu e cos lo a pasa marduga y tabata tin un confrontacion entre e ladron y
e security. Recherche a wordo avisa y tambe ambulance. Nan a bai cu e victima cu a keda bati patras
haciendo su trabou cu seguridad di e mall. A haye tur su pertenencianan benta aki aya. Fofoti ta
celebrando aniversario y ta di fiesta riba diabierna y a haya nan mes cu e situacion aki. E victima no ta
grave. Cuerpo Tecnico a bin atende den e negoshi pa purba haya evidencia cu por yuda yega na e
detencion.