Page 14 - UTILITIES
P. 14
Oilspill pafo di Commandeurs Baai a pone tur instancia den
accion
Tuesday, 27 June 2017 18:07
Comparti
Diamars atardi laat a constata cu tin un tugboat pero tambe personal di kustwacht y boto di Polis den e
area pafo di rif. A mira cu tabata bashando algo den lama. Ora a busca informacion a resulta cu a
descubri un oilspill den e lama. E momento ey no tabata mustra peliger pero asina mes a bay den accion.
A bay den accion pa controla e situacion cu quimico y tambe pa haci un investigacion. Con serio of con
grandi e dimension ta no por a keda confirma mesora. Solamente cu den combersacion cu kustwacht nan
a confirma cu tin oilspill y cu tin trabounan ta wordo haci di dje. Dimes ta trata di controla esaki pa e no
yega tera. Tabata mira den ki direccion e coriente ta bay pa asina evita cu e oilspill por afecta e costa. E
tabata basta cerca tog di tera. For di tera tabata mira e trabounan andando.. Kustwacht y Polis Maritimo
a sigui cu nan investigacion mientras cu e tugboat tabata basha e quimico necesario cu vigilancia di
autoridad riba lama.
