Page 28 - ARUBA BANK
P. 28
CMB ta firma CAO cu FTA
Posted on 10/8/2019 2:44 pm AST | Updated on 10/8/2019 2:45 pm AST
ORANJESTAD - Despues di negociacionnan di algun luna cu a bai den un atmosfera
hopi amicable, a yega e dia pa firma cu FTA e Contracto Laboral Colectivo (CAO) pa e
empleadonan di Caribbean Mercantile Bank N.V. Asina e banco a informa den un
comunicado. Mester menciona cu esaki ta e promer CAO den e historia di e banco.
Segun CMB, e banco su empleadonan semper a gosa di beneficionan hopi atractivo y cu
e CAO aki por bisa cu algun area a haya extra atencion y mientras cu otronan a haya un
ahustacion.
Gerencia di e banco a gradici e shop stewardnan y gerencia di FTA pa nan aporte y
contribucion pa asina yega na e CAO aki.
