Page 14 - HCCA- MAY 18, 2015

DIALUNA 18 MEI 2015 DIARIO PAGINA 47

Parlamentario Lorna

C. Jansen-Varlack

Casonan

di cancer

di prostaat

ta sigui

aumenta

den nos

comunidad

ORANJESTAD (AAN):
Durante e tratamento di
presupuesto 2015 di pais
Aruba minister di Salubridad
Publico y Deporte a contesta
mi pregunta riba e situacion
di cancer di prostaat di nos
hende hombernan. Cancer
di prostaat ta un malesa cu
ta afecta hopi hende homber
den nos comunidad. Minister
Schwengle ta comparti e
preocupacion aki y el a laga
sa cu e tin su atencion. E
cancer ta cuminsa crece den
e prostaat , un klier den e
sistema reproductivo.

Su preocupacion mas
grandi ta cu hopi hende
homber ta pensa cu e test di
sanger pa midi e nivel di PSA
(Prostate specific antigen) ta
suficiente pa determina si e
malesa tey of no. E nivelnan
halto di PSA den e sanger ta
un indicacion cu algo no ta
bon den e prostaat. PSA ta un
proteina cu ta wordo produci
door di e klier di prostaat.

Minister Schwengle ta
consciente cu hopi di nos
hende homber no ta gusta
haci e test di prostaat cu ta
uno cu ta mas extensivo y mas
efaectivo.

Minister Schwengle a
mustra tabelnan di e cantidad
di hende homber cu a wordo
afecta cu e malesa aki entre
2007 y 2013, e averahe ta mas
of menos 45 pa 50 pa aña.
E averahe di cantidad cu a
fayece ta entre 15 pa 20 hende
homber pa aña.

Mester cuminsa pensa den
e direccion di campaña di
conscientisacion pa informa
nos hende hombernan di e
malesa di cancer di prostaat
y pa kita e taboe di test mas
intensivo. E otro posibilidad
ta cu dokternan di cas ta
manda un carta di aviso pa
nan pashentnan di e edad 40
ariba pa avisa cu ta ora pa haci
e test di prostaat.Asina so por
cuminsa traha mas efectivo pa
loke ta toca e malesa di cancer
di prostaat.