Page 2 - AM200720

2 AWEMainta Dialuna, 20 Juli 2020

Un caminda tin un fayo

2 Turista a yega ayera contagia cu Covid 19

Si sigui asina, pa proximo fin di siman, Aruba lo tin 20 caso

Departamento di Salud Publico di Aruba (DVG) a confirma
ayera cu a constata dos (2) caso mas di Covid-19, Coronavirus
na Aeropuerto. Ta trata aki di dos persona no residente cu a test
positivo na nan yegada na Aeropuerto.

Ambos persona ta bon di salud y segun proceduranan indica
p’e protocol, tur dos a bay den isolacion. E total ta bira awor 10
caso activo di Covid-19 registra na Aruba.
E instancia concerni lo sigui vigila e dos pashentnan aki,
mescos cu tur otro, a base regular pa mira si nan ta desaroya
sintomanan. Den caso cu nan bira malo, lo mester evalua pa
interna nan den Hospital.

N’e momento aki, mayoria no tin sintoma y ta spera cu nan por
cura di e virus sin cu mester bira malo.
Mirando e desaroyo aki, nifica cu no tin un debido control na

nan salida, unda nan mester test caba. Si sigui asina, cada dia
ta registra dos caso, ta nifica pa fin di siman benidero, Aruba lo
registra 20 caso.
DVG ta nenga di bisa ta for di ki ciudad Mericano nan ta procede.
Y loke ta hala nos atencion tambe ta, cu DVG tin su lugar pa
test hopi serca unda tin mas hende ta move. Si e hendenan aki a
test positive, kico a para di e demas pasaheronan den e avion?

Pregunta ta, cuanto e mester yega pa lockdown atrobe? DVG ta

desea e pashentnan un pronto recuperacion. Pa mas informacion
tocante di update di casonan di Covid 19 y tur otro informacion,
Tips y Protocol, bishita e website www.arubacovid19.org.