Page 29 - ATA

Fin di embargo Venezolano na Corsou,

pero prijs a sigui subi

Posted on 06/5/2018 10:19 am AST | Updated on 06/5/2018 10:20 am AST

WILLEMSTAD – E miedo na Corsou tabata cu durante e embargo Venezolano, cu prijs
di fruta y berdura lo a bira hopi mas caro. Esey no a resulta e caso. Pero, loke a resalta si
awor cu despues di e embargo, e prijsnan a sigui subi tambe. Desde cu (Corsou) a habri
frontera atrobe pa fruta y berdura, clientenan a ripara cu cos no ta mas manera antes. E
localidad di antes a muda pa un lugar menos central y e productonan a aumenta di prijs.
Clientenan ta rabia cu e.o. awor ta paga doble e prijs pa banana.

E director di e organisacion di consumidor, Marc Marshall a bisa cu e tambe ta ricibiendo
e señalnan ey. “E prijsnan halto eynan ta percura cu den supermercado e prijsnan no bay
na e nivel di prome cu e embargo”. Supermercado Centrum ta considera su mes e cliente
mas grandi di e barkitonan Venezolano. Segun e gerente di un di e filialnan, e prijs pa
nan a subi considerablemente. Tin prijs cu a aumenta cu 30%, y otronan te hasta doble.

Algun di e bendedornan Venezolano ta bisa cu e situacion ta debi na e inflacion enorme
den su pais. E otro ta bisa cu e mester paga 20% di su entrada for di Corsou na dollars na
su gobierno Venezolano.