Page 19 - KPA

Mas atraco arma, empleado di West Deck

restaurant atraca door di 2 homber

1 min ago 0 0 Views

Lagoenweg – Diahuebs anochi den careda di 10’or un empleado di e restaurant West Deck a bira victima
di un atraco arma mas.

Den careda di 10:24, polis ta wordo manda na Lagoenweg, caminda un persona lo a wordo atraca. Segun
e persona, cu aparentemente ta un empleado di e restaurant menciona ariba, a drop off e benta di dia na
nan main office.

Segun e ta conta polis dos persona a presenta y cu lo a papia spaño cune, lo a atrake. Un di nan lo
tawata cara full tapa. Segun vocero policial Señor Laclé, un di nan tawata tin e arma di candela cune.

Na e sitio, nos a compronde cu nan a bay cu e benta di dia, cu ta ariba mil dollar.

Mester remarca cu e area caminda e empleado lo tin di entrega e placa probablemente tur anochi, ta scur
y hopi keto mes eybanda. Pues lo ta bon pa gerencia di e restaurant, pensa un otro opcion pa den futuro.

Atraco team a wordo informa di e atraco arma aki.