Page 85 - KPA
P. 85
MINISTER TA ORGUYOSO DI
CUERPO POLICIAL: A
FORTIFICA CUERPO
POLICIAL DEN TUR SENTIDO
7 September, 2017, 8:01 pm
0
14
Share on Facebook
Tweet on Twitter
Minister Dowers a splica cu a caba di adkiri mas polis den opleiding y e momento aki a kibra record. E
record awor aki di e minister cu a pone mas polis den Cuerpo Policial den historia di e pais aki. Esey
sigur ta un logro grandi. E importancia ta cu tin cu mustra e respet y e reconocimento na e
departamento, no door di bis’e, pero door di haci e trabao. Door di cana cu nan, door di sinti cu nan,
door di biba cu nan kico e trabao ta encera. A bin den un situacion caminda cu e minister di husticia
tabata insulta polis, un prome minister cu tabata lastra polis y tabata kita cos for di polis y entrega
hendenan yega na nan. Hopi polis ta lubida con tempo cu nan tabata traha bao di partido MEP, no
tabata tin celular pa traha cun’e. Nan ta bisa pa paga luz 4’or, no tabata tin overtime, no tabata tin nada,
no tabata papel di WC ni koffie. E tempo ey a pasa pa pasado, despues cu MEP a bay for di
Gobernacion. A inverti dos biaha mas cu partido MEP a pone den husticia. A redobla e begroting
eynan. E trahadonan mester di un bon trato y mas hopi cos ta cu e pueblo merece proteccion cual ta
wordo brinda na e momentonan aki.