Page 48 - Djaluna 5 mart 2018.pdf

48 Djaluna 5 Mart 2018
Den Haag

positivo ku

resultado di
elekshon Sint

Maarten
WILLEMSTAD.- Por lo
general, polítikonan na Den
Haag ta reakshoná di forma
positivo riba e resultado
di elekshon na Sint
Maarten. Segun sekretario
di estado Raymond
Knops (Relashonnan
di Reino) e resultado ta
brinda ‘perspektiva pa
kolaborashon’. Manera
ta konosí partido United
Democrats (UD) ta esun ku
a haña mas asiento durante
e elekshonnan di djaluna.
E partido di Theo Heyliger
i Sarah Wescot-Williams
a haña 7 asiento. Partido
National Alliance di Silveria
Jacobs i ku eks minister-
presidente William Marlin
ku a karga lista a haña 5
asiento. United St. Maarten
Party (US Party) di Frans
Richardson a haña dos
asiento. Un partido nobo a
drenta parlamento di Sint
Maarten, ku ta Sint Maarten
Christian Party, nan a haña
1 asiento.
Ret Karibense a haña
e siguiente reakshon
di diferente partidonan
polítiko na Ulanda:
VVD, e partido di mas
grandi den e koalishon na
Hulanda ta kontentu ku e
manera ku e elekshonnan
a bai, pero ta reakshoná
di forma kouteloso riba e
resultado. ‘Ta lástima ku e
partidonan no a traha un
programa pa bai elekshon
kuné.’
Meskos ku su partner
di koalishon VVD, partido
CDA tambe ta ‘kontentu’
ku e elekshonnan na Sint
Maarten a kana bon. ‘Mi
ta spera ku awor lo forma
un gobièrnu stabil masha
lihé mes’, Joba van den
Berg ta bisa. Segun Van
den Berg CDA ta bai pa
mehorá e relashon ku
Sint Maarten, pa ‘kos
drecha pa e hendenan i pa
Ulanda por duna sosten ku
konosementu i kapasidat’.
Segun e miembro di
Tweede Kamer pa partido
D66 Antje Diertens: ‘Un
formashon di e partidonan
ganadó UD i SMCP lo duna
e konfiansa pa sigui ku e
rekonstrukshon. Nos ta
kontentu ku e elekshonnan
a bai di un forma stabil.’
Liesbeth van Tongeren
Sigui lesa pagina 49