Page 22 - WEB

Claramente por mira cu e mascarada di Rocco Tjon a cay y awe por mira su cara real

como persona. Tur e weganan di expresion tabata un engaño. El a presta su mes pa start

un wega di sushedad pa caba cu opositornan politico y kere cu tur hende lo sinta keto

man crusa sin bisa nada. Mientras cu e ta cuestiona gobernacion anterior como un

tremendo parlamentario, e ta bira cara pa e realidad actual den e gobernacion di MEP. E

mesun lider di MEP cu tanto e kier purba defende ta enrikeciendo su mes via e bufete di

su tata. No ta dies placa pero algun miyon caba e bufete di lider di MEP a cobra bou

encargo di e propio Ministerio di Evelyn Croes. Esaki ta e weganan legal pa asina ranca

fondonan di e pueblo.

Na varios ocasion a pidi Rocco Tjon cu t’ey pa cuida interes di e pueblo, pa splica of haci

pregunta pa pueblo sa cuanto miyones caba e bufete di e tata di Evelyn Croes a cobra.

Fondonan cobra bou FMSA, Utilities, WEB, RdA y Elmar. Tur ta cay bou di Evelyn.

Facturanan cu a leak ta prueba cu ta trata aki di hopi placa. Pa kico cu nan haci ta cobra
balente suma. Esaki ta un wega legal pa asina ranca placa cu na final tambe ta yega riba e

cuenta di e propio gobernante. Esaki ta un corupcion legal cu fondonan di pueblo pa

enrikece bo mes como persona y gobernante.

Rocco Tjon cu na comienso a mustra di ta para cu e pueblo y cuida fondonan di e pueblo,
awe ta den un silencio total mientras strategicamente su lider ta permiti pa chica placa di

pueblo via bufete di su tata. Evelyn Croes ta keda yiu di Hendrik Seferino Croes y den

pasado a yega di expresa cu hunto cu su casa nan ta handle un cuenta di e tata pasobra e

tata ta hende grandi. Awe nan ta den gobierno y e homber grandi cu ta su tata ta keda

yena su cuenta di banco cu placa di pueblo y cu bendicion di su propio yiu cu ta prome

minister. Den e situacionnan aki ningun miembro di e coalicion ta cuestiona.

Simplemente nan a demostra cu nan interes ta e stoel y no cuida e fondonan di e pueblo.