Page 1 - AM210202
P. 1
Februari 2, 2021
www.awemainta.com
www.facebook.com/awemainta
noticia@awemainta.com
583-1400
UN BISTA DI E ARUBA DI AWENDIA
E bista di hendenan drumi unda cu ta, ta birando un tradicion comun cu ta
sigui amplia su mes y ya na un ocasion AWEMainta a haci mencion cu tin dos
ambulante bibando riba Plaza Padu del Caribe, caminda nan tin nan propio
piscina cu t’e fontein y practicamente tur dia nan ta sinta un rato den e awa fresco
y tuma nan baño.
Tin varios negoshi caminda trahadornan ta yega den oranan di mainta pa traha y
mester lanta un of otro persona cu a keda drumi riba e piso di entrada for di bista
di Polis of otro hendenan.
Aki tambe Gabinete Wever Croes, cu a pone miyones riba presupuesto pa
ehecuta un plan social, n’e final cerca di e Gobierno aki, ainda e plan aki no ta
den ehecucion y ningun hende sa realmente kico e ta.
No tin reunionan tumando lugar entre instancia- y organisacionnan cu ta trahando
den e sector social aki pa discuti con pa yega na un forma di atende cu e pobresa
creciente aki prome cu esaki tambe bira un pandemia di marca mayor.
