Page 17 - 23Dec2022
P. 17
DIABIERNA 23 DECEMBER 2022 DIARIO PAGINA 17
Hulanda a intercepta
cargamento di cocaina
scondi den Pan di Pasco
SCHIPHOL: Douane na Hulanda a laga sa Diaranson, cu nan
a logra di intercepta y confisca 10 Pan di Pasco conteniendo
cada uno 200 gram di cocaina. Douane di Hulanda mes a
suministra e potret aki, cu ta mustra cu ta trata aki di ‘Kerst-
brood’ di e compania Fernandes procedente di Suriname.
Douane a indica, cu e cargamento di droga scondi den e Pan
di Pasco a wordo manda den un pakete via Servicio Postal.
Por a mira riba e potret, cu e cocaina a wordo lora den forma
cilindrico, y e narcotraficantenan a cumpra Pan di Pasco, y a
logra di pusha e droga den dje pa asina purba na sconde.
E pakete di Post cu Pan di Pasco yena cu droga lo a wordo
manda for di Suriname pa Hulanda. Awor ta bay track ta
kende a manda e paki, y pa unda e ta destina.
