Page 56 - KPA 1 APRIL 2017

Oranjestad, – Relaciona cu e caso cu Ministerio Publico a inicia entre otro contra
Minister P.F.T. Croes, Conseho di Minister den su reunion extraordinario di awe a
tuma un decision na interes general y tambe riba peticion di e minister en
cuestion pa e suspende su encargo como Minister di Asuntonan Social, Maneho
di Hubentud y Labor. Minister di Finanzas y Organisacion Gubernamental lo tuma
encargo di e cartera di Minister P.F.T. Croes, manera stipula den e areglo di
reemplaso di ministernan di dia 10 di januari 2017.

E decision aki a wordo tuma pa duna Ministerio Publico e pleno espacio pa haci
nan investigacion y percura pa continuidad di e ministerio. E decision aki ta
drenta na vigor awe.

DIMAS TA SIGUI HACI CONTROL DI
DOCUMENTO

March 31, 2017 adminarubanative Uncategorized Leave a comment

ORANJESTAD – Entrante dia 1 di december 2016, DIMAS a introduci su listanan
nobo di rekisito general y tambe specifico. Den pasado a anuncia cu lo tin un
periodo di transicion di cuatro (4) luna den caul ainda por a haci uzo di e listanan
di requisito bieu.

Esaki ta significa cu te dia 1 di april 2017 por sigui entrega un aplicacion na
DIMAS uzando e lista di rekisito bieu. Despues di 1 di april 2017, por entrega
aplicacion pa un permiso di estadia solamente uzando e lista di rekisito general y
specifico nobo.(versión 2016)

Alavez ora cu un cliente kier bin entrega un peticion pa un permiso di estadia na
DIMAS e cliente mester tene na cuenta lo siguiente:

 Cu ta haci un declaracion por escrito cu e ta yena e formulario di aplicacion pa
un permiso di estadia segun berdad.

 Cu e tin e deber pa acumula y trece cune tur documento segun lista di rekisito
general y specifico. E documentonan aki mester ta completo, pero tambe mester