Page 76 - MIN ARENDS

Comparti

E pensionadonan di SETAR cu a hiba un lucha largo pa nan bringa loke pa nan tabata nan derecho.
Minister Richard Arends, a splica cu a trata e ley cu ta autorisa Gobierno pa efectua e pago na e ex
empleadonan di Telefoondienst

, actual Setar NV, unda cu despues di un lucha hopi largo, un grupo di riba 60 hende, hues a dicta na nan
fabor, unda cu nan lo a ricibi e diferencia di e disputa cu a sali na fabor di nan y tambe e grupo extra di 32
hende cu hues no a dicta specificamente pa nan, pero si a wordo representa door di e sindicatonan y
minister tabata den Parlamento pa busca autorisacion pa por efectua pago pa ambos grupo. Pa asina
conclui tambe un disputa legal, cu tabata tin pa e ultimo 14 añanan. Hopi di nan ta hende grandi, algun
di nan no tey mas y awo ta bezig ta wak esaki tambe, ta wak con pa efectua e pago. Asina cu tin e
autorisacion pa por efectua e pagonan mas lihe cu ta posibel.

Bringa decision di hues

Minister Arends a splica cu esaki tabata un caso cu Setar mes tabata bringa namens Land. Setar tabata e
opvolger di Telefoondienst. Durante añanan, Setar a keda bringa e caso, pasobra e esencia di e caso
tabata kico ta cay bao di bruto loon y kico no. Como base di e afvloeiings regeling. Durante e añanan nan
tabata tin diferente idea y tambe diferente interpretacion di kico mester ta brutoloon y na final hues a
dicta cu brutoloon ta tal y ta consisti di specificamente toelages y a base di esey, un comision apunta pa
corte, un comision independiente a haci calculacionnan pa cada un di e empleadonan aki. Algun di nan, e
diferencia ta di algun 100 florin y algun di nan ta diferencia di algun miles di florin, cual ta haci’e hopi
mas compleho y pesey a tarda asina tanto, pa tin e calculacionnan exacto. A base di esey, na November
den un reunion cu SEPPA, hunto cu prome minister y minister Mike de Meza, kende e tempo ey tabata
encarga cu telecomunicacion e tempo ey a tuma e decision di principio, cu tur e ex empleadonan cu a
haci uzo di e afvloeiings regeling, sea cu corte dicta pa nan of no specificamente, lo ricibi e compensacion
mescos cu si nan a gana e caso. Y esey tambe a inicia e proceso legislativo. A prepara e ley, un ley cu a
dura ongeveer cuater luna pa yega Parlamento. Basta lihe, si por wak e trayecto cu un ley normal ta dura
y esey ministerio di economia hunto cu e departamentonan concerni, a traha diligentemente pa por
prepara e leynan y cu a trata esaki den Parlamento.
Cuanto hende

Ta papia aki di un suma di mas di 4 miyon florin y lo e ta trata aki di mas of menos 90 ex empleado di
Setar.