Page 58 - HOH September 2nd, 2020_Neat

BOTICANAN NA AZV: PAGA E

SIMAN AKI OF NO TIN

REMEDI MAS!

1 September, 2020, 8:02 pm
2052

Lennert van der Poel, director di Botica di Servicio y miembro di Botica Vereniging

Aruba a indica cu nan a manda un carta, via di abogado na AZV, relaciona cu pagonan

atrasa. For di april e boticanan a haya nan mes confronta cu reduccion di 5.5%

den declaracionnan haci na AZV y cu a ripiti pa luna di mei y juni. Posteriormente AZV

a haya un 5.5% di descuento di solidaridad pa cu e crisis cu a keda implementa riba

henter e sector di cuido medico.

Di e manera aki, e declaracion pa luna di juni tabatin un efecto acumulativo di 25% cu ta

loke tabata pa e boticanan, e drupel cu a laga e hemchi pasa over. “Esaki ta un peso

financiero enorme cu e boticanan no por carga mas y ta e motibo pa cual a tuma e

decision di manda e carta di abogado pa AZV,” van der Poel a declara.

E intencion ta pa manda un señal na gobierno cu boticanan ta for di 13 di maart a traha

hopi duro y a realisa hopi inversion den seguridad, ekipo pa asina por brinda servicio

ahusta na publico, incluyendo e stock adicional necesario, pero a cambio ta mustra cu nan

ta ultimo riba lista pa wordo paga. Van der Poel: “Empleadonan publico a wordo paga,

subsidio di salario a wordo paga, pero a corta den sector di cuido.”

Ta asina cu boticanan tin convenionan di suministro y pago cera cu AZV. Pesey, e

asociacion di boticanan ta dirigi su mes na e entidad aki y AZV na su luga, mester bay

check cu gobierno pa haya e fondonan pa paga nan debenan.