Page 23 - MIN WYATT RAS

Companianan A Entrega Bid Pa Renoba Piscina Rolly

Bislik

 Featured

 Local
- 01/10/2017

Comision di Piscina Rolly Bislik y Piscina San Nicolas a reuni cu Notario Yarzagaray,
Fundacion Facilidadnan Deportivo (FFD) y companianan cu a bid pa haci e renobacion
riba Piscina Rolly Bislik.
E companianan a entrega e documentonan necesario, pero tambe a entrega nan
proposicion di ehecuta e proyecto aki. Representante di Notario Yarzagaray a controla tur
papel ta na ordo di e 5 companianan cu a bid.

Miembro di directiva di piscina di Rolly Bislik y Piscina San Nicolas, Gerald Franca a
splica cu nan a entrega e trabou di e destaho publico na ing. Juni Tromp, kende ta encarga
cu FFD. El a hiba e trabou cerca ACE Engineering, cu na su turno a haci analisis di e
trabounan cu mester haci riba e facilidad.
For di aña pasa e comision a ricibi tur specificacion for di WEB y di e compania cu a
traha e proyecto pa nan. A base di esey ACE Consultant a traha e peticion pa mira kico
mester haci riba e piscinanan.

E piscinanan tin di ricibi nan mantenemento, pasobra e tempo necesario a pasa y tin
cierto trabou cu mester haci den e pump huis, riba e tuberianan. Tambe tin cu bin extra
trabou eyden y haci esaki un tiki mas competitivo. E pool mester keda na nivel di FINA,
esta Federacion Internacional di Landamento.