Page 48 - AVP

Parlamentario Edgard Vrolijk (MEP): “Mester Bin Un

Solucion A Largo Plazo P’e Problematica Di

Desperdicio Na Aruba”

 Featured

 Politica
- 27/02/2020

Recientemente por a tuma nota cu habitantenan di Parkietenbos a hiba Gobierno Corte y
esaki a duna Gobierno un termino di 3 luna pa por trece un solucion p’e problematica di
dump na Parkietenbos y e molester di holor di Sero Thijshi.

Y esaki ta na su lugar tambe, pasobra pa añas habitantenan ta bibando den un situacion
indeseabel, segun Edgard Vrolijk di fraccion di MEP.

IMPORTANTE PA HAYA CONTESTA RIBA PREGUNTANAN
E situacion di Parkietenbos y e problematica di desperdicio ta algo cu mester yega na un
solucion no solamente riba un termino cortico, pero esaki mester bira un solucion
duradero y sostenibel.

Den esaki e rol di Serlimar lo mester ta uno hopi importante. Y den esaki mester percura
pa Serlimar ta financieramente stabiel pa por carga cualke proyecto a largo plazo y
p’asina trece un solucion p’e problematica di desperdicio na Aruba.

Y p’e motibo aki ta hopi importante p’e, esta Edgard Vrolijk por ricibi contesta riba su
preguntanan cu el a dirigi na Minister pa loke t’e situacion di Serlimar. Alabes su