Page 31 - UTILITIES

Siman pasa a traha un carta y den e carta ta splica den detaye riba e malcontento. Tin
como 110 trahador cu ta cay bou di CAO. Di 110 un total di 87 a forma pa bula cabez di
e director. 12 di maart e carta a bay via BID y pa Prome Minister Evelyn Croes.

E carta ta solicita un reunion cu caracter di urgencia. For di fuentenan tin entendi cu
ALVAST cu ta e IOA’ers tampoco kier e director di Elmar mas. Esaki no ta 100%
confirma. Awor STA ta wardando reunion cu e minister.

E situacion ta hopi tenso y e situacion di asunto di pensioen tambe ta hopi delicado. Tin
problema cu e cobertura aparentemente segun STA tin etendi. No tin deadline pero
prome cu luna caba a spera e reunion cu prome minister cu ta encarga cu energia.

Loke STA por a confirma ta cu e gobierno a confirma e carta cu STA a manda firma pa
87 trahador. Un situacion basta cayente unda e cabez di e director ta na Guillotine e
momentonan aki. E pregunta ta si gobierno lo honra e peticion di e trahadornan cu a
firma den mayoria pa e cabez di e director.

E director ta keda para ariba un CAO cu a wordo forma for di otro sindicato y no kier
duna espacio pa discuti cierto cosnan cu segun e sindicato nobo no ta bon regla.
Ademas tin e parti di shopsteward cu nan tempo pa atende reunion cu tambe ta un
punto di discusion.

Mediador mes a haci diferente intento entre e grupo pero keto bay e problema ta sin
solucion aparentemente.

diario.aw/2018/03/mayoria-trahador-kier-pa-director-di-elmar-bay/