Page 7 - WEB 12 APRIL 2016
P. 7
Contratista a ranca kabel di coriente causando interupcion
on: April 11, 2016In: LocalNo Comments
Print Email
Tabata pa exactamente 1.37pm cu e prome yamada a drenta na N.V. ELMAR notificando cu gran parti di
Oranjestad ta sin coriente. Mesora tecniconan a sali pa e substation situa na Sabana Blanco y eynan por
a constata cu un di e transformernan grandi tabata for di servicio, o sea tabata “uitgeschakeld”.
A bin resulta cu e contratista cu ta cobando pa WEB Aruba N.V. na altura di e crusada di Mahuma, a
ranca un kabel cu ta core entre WEB Aruba N.V. y N.V. ELMAR sin por yuda. Tambe a ranca un kabel
fibra optico di N.V. ELMAR. Tecniconan cu a bay mira locual tabata pasando na e sitio di construccion na
Mahuma a constante cu te ainda ta solamente e tubo a ricibi daño y te unda cu por a mira e kabel no a
sufri daño.
Mientras cu un ekipo tabata na e sitio di construccion pa mira e daño, otronan tabata den e substation
pa reconecta suministro di coriente mas lihe posibel, adaptando un ke otro. Pa 2:00pm tur hende a haya
coriente bek.
E areanan cu a resulta afecta dor di e fayo di contratista di WEB Aruba N.V. tabata Oranjestad, Sabana
Blanco, Primavera, Cumana, e area rond di Renaissance Resort, Mall & Casino y Royal Plaza Mall. Danki
na e hecho cu tecniconan a actua hopi lihe por a reestablece coriente den tempo relativamente corto.
N.V. ELMAR a celebra 65 aña di existencia na november ultimo y ta conta cu un total di 165 empleado
den servicio directo di e compania. Siendo nos compania nacional distribuido di coriente, N.V. ELMAR ta
inverti alrededor di 20 miyon florin tur aña den mantencion y actualisacion di su red di electricidad.
