Page 2 - AM240119

2 LOCAL AWEMainta Diabierna, 19 Januari 2024

Diasabra lo tuma luga cremacion

Ministerio Publico a entrega curpa di oficial di CEA na famia

oficial di CEA, esta Sergio Maduro di 44 aña, a ser
E haya benta den yerba canto di caminda na Matividiri,
caminda a constata inicialmente cu e no tabata duna se-

ñal di bida.
Oficialnan hudicial na e sitio algo despues di 7’or di anochi,
riba bispo di Pasco y a cuminsa mesora c’un investigacion
mirando cu tabata algo cu no tabata mustra bon.

Inicialmente a pensa cu Sergio lo a bira victima di un ‘hit
and run’ pero algun ora despues cu dokter a bin n’e sitio
y a constata morto, tambe autoridadnan a constata cu e

victima tabatin algun trauma formal na su cabes loke a
transforma e caso den un asesinato.
Autoridadnan policial a inicia cu investigacion y tambe
tabata en busca di auto di e victima cua bin resulta di a

wordo horta y tabata tres dia despues, esta December 27
cu a bin haya e auto di e victima riba un tereno di futbol
net patras di Misa di Noord.

Ministerio Publico ya for di dia 24 di December a tuma e
decision pa confisca e curpa pa mas investigacion entre
otro pa laga haci autopsia pa confirma e motibo cu a
ocasiona morto di e oficial di CEA di 44 aña di edad.

Sinembargo mas cu tres siman a pasa y autoridadnan no
a conoce mucho adelanto den nan investigacion mientras
cu famia di e victima, tabata desea di haya e curpa pa

asina por hib’e na su ultimo luga di sosiego.
Pa falta di un patholoog pa haci e autopsia e proceso aki a
tarda pero e siman aki Ministerio Publico a informa famia
cu e curpa ta ser duna liber pa su entiero y esaki lo tuma

luga diasabra venidero.

AWEMainta a ser informa cu famia a opta pa crema e
curpa cual na mes momento lo no brinda ningun posi-

bilidad mas pa den futuro haci mas investigacion riba e
curpa pero na mes momento ta indicacion cu motibo di su
morto a keda confirma.

Hecho ta cu for di momento cu a haci investigacion inicial
riba e curpa di Sergio, a constata cu el a ricibi algun golpi
hopi fuerte na su cabes y tambe e tabatin poco herida
serio na cara y cabes cu ta duna indicacion cu el a ser

maltrata y golpia cu algo fuerte na su cabes cu a ocasiona
su morto.
Tambe AWEMainta a ser informa cu e investigacion ta
continuando pero tur hende cu por tin un of otro infor-

macion cu lo por yuda na soluciona e caso serio aki, tuma
contacto cu autoridadnan of yama e ‘tipline’ di polis.