Page 16 - awe1806_merged
P. 16
Diasabra 18 di Juni 2022
COMUNIDAD
Racing cu ta e Starlet blanco cu a wordo prepara
aki na Aruba. Un otro auto cu si ta di Aruba mes y
cu ta captanto masha hopi atencion ta “The New
Gilrick Racing” cu ta e Celica color manera roos di
Glennrick Curie cu tambe ta bay bataya na Corsou
den e caredanan.
E auto aki ta un auto practicamente nobo cu a
hiba varios aña di preparacion extenso y awor e
ta practicamente cla pa defende Aruba na Corsou.
Esaki lo ta su prome biaha cu e lo wordo estrena
na Corsou den “Pinks All Out” Tabata tin plan pa
haci algun ahuste aki na Aruba prome riba pista di
Palomarga pero esaki no a logra concretisa.
For di Merca ta e conocido Desiree Racing ta bin cu
un Mazda RX7 cu na varios ocasion a participa na
Orlando Speedway. For di Puerto Rico ta un otro bon
conoci aki na Aruba tambe pasobra den pasado el a
yega di competi aki na Aruba.
Ta trata di “Chapulin Performance” cu ta bin cu dos
auto Front Wheeldive maneha pa e tata Nelsito
Aleman y su yiu homber Kevin Aleman kendenan tin
algun record di tempo den 1/4 miya riba nan nomber.
Un otro persona cu tambe ta masha popular na
Merca y Puerto Rico ta Jomar Gomez kende tambe
ta bin cu su RX7. Kende no conoce Jomar cu ta un
driver hopi profesional kende ta pilotia varios auto
na Merca pa cual e ta wordo paga pa esaki.
Un palabra di exito na tur participantenan di Aruba
cu ta bay defende e bandera di Aruba na Corsou den
“Pinks All out” riba e dianan 1, 2, 3, di Juli venidero
riba pista di Curacao International Raceway.
16
