Page 34 - ATA 6 NOV,2015

46 Djabièrnè 6 Novèmber 2015

...Interes a krese
ku 5% pa ámbos
destinashon...

SPAÑA I KORSOU
TA SKOR
BON KOMO

DESTINASHON
DI SOLO

WILLEMSTAD.- Un
investigashon kondusí
resientemente den e
mundu di biahamentu i
destinashonnan vakashonal
ku hopi solo ta mustra
ku Spaña i Kòrsou a keda
destinashonnan faborito
dje turista ulandes ku ta
buska solo den invierno.
Ora kompará e sifranan
por nota ku Spaña a
keda e destinashon
faborito i Kòrsou ta figurá
prominentemente den e tòp
5 di destinashonnan ku hopi
solo.

Egipto ku tabata semper
un destinashon hopi gustá
serka e turista ulandes a
pèrdè na popularidat pa
e inseguridat ku tin na
e pais di piramidenan.
Otro destinashonnan ku
a baha na popularidat ta
Islanan Kaboverdiano i
República Dominicana. E
konseho di biahe positivo
pa República Dominicana
ta vigente fo’i aña pasá i
apesar di esaki tòg e interes
pa bishitá e pais a baha
serka e biahero ulandes
ku ta bai fakansi solar den
temporada di invierno. Un
análisis dje merkado ta bisa
ku e interes kresiente pa
Spaña i Kòrsou komo tipo
di destinashonnan asina
ta nan nòmber, popularidat
i kultura kombiná ku e
kantidat di vuelonan fo’i
Ulanda i ofertanan mas
atraktivo.

Den kaso di Kòrsou ku ta
na di tres lugá riba e lista di
tòp 5 ta bisa ku nos isla ta
e destinashon ku ta ofresé
mas tantu ora di solo pa
dia ounke ta atvertí tambe
ku den e periodo aki di aña
áwaseru ta kai.