Page 10 - MIN ROBERT C

AWEMainta Dialuna, 11 September 2017 11

Presidente di Parlamento, drs. Mervin Wyatt-Ras

Aña Parlamentario lo ta diferente

e aña aki sin militarnan

Debi na ayudo urgente na Sint Maarten

DURANTE e reces di Parlamento, a realisa diferente trabou pa me-
hora infrastructura di e edificio, a cambia tapijt y a traha rib’e sistema di
airco. Presidente di Parlamento, drs. Mervin Wyatt-Ras ta contento cu e
trabounan y awor ta cla pa apertura di Aña Parlamentario nobo, unda cu
Gobernador lo duna su discurso encuanto maneho pa futuro.

E aña aki lo ta un tiki diferente, ya cu a manda

militarnan St. Maarten pa duna asistencia.

Manera custumber. Na e Aña Parlamentario lo tin presencia di dignatario
y invitadonan, incluso Ministernan tambe lo ta presente den e sala di
Parlamento.

E aña no lo tin desfile di e militarnan dor cu nan lo ta cumpliendo cu e
deber y convivencia cu e pueblo di St. Maarten, unda ta yuda nan den e
situacion cu nan ta aden actualmente despues di horcan Irma. Presidente
di Parlamentario a manda palabranan di forsa na e pueblo di St. Maarten.
Aunke cu e militarnan no lo ta presente, e procedura normal lo continua.

“Esaki ta den nos constitucion

cu rib’e di dos diamars di luna di september,

nos ta habri Aña Parlamentario”

segun Wyatt-Ras.

Diamars mainta, e caminda lo ta cera pa por ricibi Gobernador. Ta pidi
automobilistanan pa tene cuenta cu e cambio aki den trafico den centro
di Oranjestad.