Page 27 - MIN ECEM

MetaCorp a demanda Gobierno pa stroba operacion di The
Cinemas

Friday, 16 June 2017 22:30
Comparti

Diabierna mainta a tuma luga un caso sumario cu MetaCorp y E. De Veer Chain Theatre a entama contra
Gobierno di Aruba
, demandando nan pa ta stroba e compania pa haya nan tereno pa construi e compleho di Cinema mas
moderno den e region aki. Cu "optie" den man, Gobierno ta tardando largo pa saca e permiso di tereno y
construccion, hincando e compania den problema serio pasobra den 1 aña mester sali di Paseo Herencia
y mester cumpli cu e exclusividad brinda na nan pa tin salanan iMax den nan Cinema.
Abogado mr. Patrick Brown a representa MetaCorp, mientras cu mr. Celina Wever a representa Gobierno
di Aruba. Durante e caso abogado mr. Geert Rep a pidi pa uni banda di Gobierno, como Aruba Birdlife &
Conservation. Gerencia di MetaCorp tabata sinta den sala di Corte, representa pa e CEO di e compania,
Eddie de Veer y e COO di MetaCorp, Robert Carrasquero.
Na Januari 2017, Gobierno di Aruba a duna MetaCorp un "optie" riba e tereno net banda di Benihana
riba Sasakiweg, pa construi un cinema cu lo bira un di esunnan mas moderno den e region aki, cu
tecnologia nobo di calidad di pelicula y zonido. Pero como cu e tereno ta na frontera cu e saliña, a exigi
un lista largo di demanda y condicionnan. E compania entretanto a cumpli cu tur, den su bista, y a
entrega tur cos na Maart 2017. Entretanto ta na Juni caba y te ainda Gobierno no por tuma un decision,
aunke tur conseho y investigacion haci ta positivo.
E abodado den su demanda ta pidi Corte pa obliga Gobierno pa saca e permiso di tereno y e permiso pa
construccion, sino Gobierno lo mester carga cu e gastonan cu The Cinemas lo perde na entrada. Motibo
ta cu nan a cancela nan huur na Paseo Herencia y mester cumpli cu e exclusividad duna na nan pa tin
salanan iMax. Mas ainda, e contratista mester 52 siman pa construi e edificio aki, cu ta cay net bon cu e
tempo cu nan mester sali di Paseo Herencia, cu ta na Juni 2018.
Pa MetaCorp, tempo ta di vital importancia y como cu nan a cumpli cu tur e rekisitonan, cu ta hopi mas
cu e rekisitonan cu ta pidi normal pa un construccion comercial, ta pidi Corte pa pone presion riba
Gobierno pa tuma un decision.
Corte a pospone e caso pa duna Aruba Birdlife & Conservation tempo pa repasa e documentonan y lo
sigui cu tratamento di e caso diamars awor dia 20 di juni 2017 pa 8:30am.
http://www.24ora.com/index.php?option=com_content&view=article&id=123074:metacorp-a-
demanda-gobierno-pa-stroba-operacion-di-the-cinemas&catid=1:local&Itemid=5

Gobierno na MetaCorp: Bo tin mucho pura!

Friday, 16 June 2017 22:35
Comparti