Page 49 - AHATA

El a agrega cu den un noticiero a wordo papia di un “show” cu e no sa cual e ta pasobra
e tin trabao grandi ta haci den su oficina, den e parti di operacion, pa e trabaonan por
sigui bay dilanti.

Davelaar a subraya cu Serlimar, como cualkier empresa normal, tin su debernan, su
entrada y gastonan, y mescos cu cualkier empresa comercial e tin su desafionan pa
cumpli cu tur su debernan manera mester ta!

No obstante, Serlimar ta cumpli cu tur loke e por na su debido tempo. Davelaar a
reitera cu no ta berdad cu e trucknan no por a sali pa falta di fuel. Trucknan ta sali
normal manera tur dia y di parti di administracion nan ta regla tur cos manera mester
ta.

Director di Serlimar ta lamenta cu tin tanto informacion interno y confidencial cu ta sali
for di e empresa y ta leak pafo. E compania no a haci un investigacion pa haya sa di
unda e informacion ta leak, pero e ta den contacto cu tur departamento pa tur hende ta

na haltura di kico ta pasando, y nan ta preparando un tipo di “town hall” pa comunica
tocante e desaroyonan di 2019 pa tur e trahadornan, y pa contesta preguntanan cu tin.

“Pero e operacion ta bayendo bon. Tur dia nos ta purba ketobay pa mehora e servicio y

calidad tur dia di nobo”, Director di Serlimar a subraya.

https://www.diario.aw/2020/01/director-di-serlimar-ta-desmenti-cu-e-compania-a-para-operacion/