Page 62 - AHATA
P. 62
Ta trata aki di e Convenant fecha 21 di juli, 2017 riba salarishuis; e nombramento inhusto
di un colega di nan; y rapport di CAFT fecha october, 2019, cu ta haci un analisis di e
gastonan di “overtime”.
Na inicio di e conferencia, e presidente di SADA, Edward Maduro, a repasa henter e
proceso cu nan a pasa den e lucha pa haya Gobierno respeta e Convenant di 2017. Henter
e proceso, unda Prome Minister a haci promesa na 2018 cu lo respeta e Convenant pa
despues den 2019 bin tende cu ta hala atras y presenta algo completamente diferente.
“Naturalmente esaki ta algo cu ta pone e miembronan rabia. P’esey Duana a haya
necesario pa un biaha mas duna informacion na pueblo con Gobierno ta atende cu e
asunto aki. Gobierno ta kibrando un CAO y e no ta un bon ehempel pa otro
departamentonan y tampoco pa sector priva. Gobierno riba su mes ta kibra un CAO.
Esaki apesar cu Hues a bisa cu ora Gobierno firma algo, ta spera cu lo respet’e,” Maduro
a bisa.
