Page 3 - FACEBOOK
P. 3
WEBSITE:
FTA: Trahadonan di Riu Palace Aruba kier mas salario
10 July, 2020, 11:31 am
Na e momentonan aki hotelnan ta plat, di cual practicamente no tin huesped. Desde awo
Aeropuerto ta habri pa cuminsa ricibi mas o menos 10% di turistanan cu normal Aruba ta
ricibi den e mesun temporada aki. Empleadonan di Riu Palace Aruba ta cobrando 60% di
subsidio di salario for di ayudo di Gobierno di Hulanda, pero nan kier cobra 20% extra pa
yega 80% di salario. Pa esaki sindicato Federacion di Trahadornan di Aruba (F.T.A.) a
reuni cu e empleadonan pafo di e hotel, durante un accion.
Den e ultimo luna e sindicato a reuni 3 biaha cu gerencia di e hotel. A manda un protocol
similar di tur otro hotel, pidiendo e compania pa añadi e 20% extra riba e 60%. Riu
Palace Aruba ta e prome compania cu a firma algo, optando pa duna e empleadonan un
suma di placa di 600 florin pa kinsena, prome cu e subisio. Segun Tyrone Bremo di
sindicato F.T.A., asina cu e subsidio a bini, nan a acerca companianan riba esaki.
Companianan cu ta afilia na F.T.A. a yega na acuerdo, a firma e protocol di 20% y algun
extra condicion.
https://24ora.com/fta-trahadonan-di-riu-palace-aruba-kier-
mas-salario/
