Page 57 - MIN JUS 20 JULY 2015

4 AWEMainta Diasabra, 18 Juli 2015

Reunionan ta andando entre chauffuernan
di autobus y Minister di Transporte

DURANTE e ultimo lunanan Minister Otmar Oduber

a brinda oido n’e chauffuernan di autobus di tanto San
Nicolas, Noord y Santa Cruz.
E chauffuernan a trece padilanti diferente punto cu tin
nan preocupa.
Entre otro e situacion di stacionamento di nan busnan.
No ta un secreto cu e situacion den nos centro di cuidad
specificamente e stacionamento dilanti di edificio di
“Doña Clara”, no t’esun mas organisa n’e momentonan
aki.
Minister Otmar Oduber a menciona cu ta evaluando con
pa acomoda e busnan pa por cumpli cu nan demanda.
Un ehempel lo ta pa re-ubicanan den espacionan defini
den e mesun area pa den un forma mas organisa cada
districto ta haya nan propio espacio.
Pa locual ta trata e situacion na San Nicolas, mientrastanto
ta haciendo uso di e espacio di parkeo di Carnival Village
tanten cu no tin ningun evento.
Esnan di Noord kier purba keda mas serca posibel di
unda nan ta ubica n’e momento aki.
Papiando di infrastructura, un otro topico t’e posibilidad
pa crea un facilidad p’e chauffuernan. Nan lo desea un
facilidad cu por brinda bañ y un poco sobra.
Esaki lo tuma su tempo, pero durante di reunion a surgi
algun idea cu a corto plazo lo por alivia e falta di un
espacio adecuado pa e chauffuernan.
P’e ultimo 8 añanan e tarifa di autobus ta 2.50 florin.
A yega e momento segun e chauffuernan, pa aumenta
esaki. Nan a pidi Minister Oduber, cu na su turno ta
evaluando e idea di e cambio di tarifa.
E chauffuernan kier mira un aumento di 1 florin.

E mandatario ta splica: “Mi sa cu p’e ultimo añanan e
tarifa aki ta uno defini y nos no por aumenta esaki na
3,50 florin sin mas ya cu esaki mester cana su caminda
legal.”
E reunion tabata uno cu a bay den bon ambiente y cada
un di e chauffuernan di autobus a keda satisfecho cu e
mandatario su atencion.
Minister Oduber a compromente cu den transcurso di
otro siman lo duna contesta riba e peticionnan.

Ministro di Salubridad ta anuncia cu entrante 20 juli 2015
durante 14 dia lo tin oportunidad pa un y tur tuma

conocemento na Departamento di Legislacion y Asunto
Huridico, Oranjestraat z/n, di un peticion cu a ser haci pa
obtene un koffiehuis- y un restaurantvergunning A pa e parcela
Caya G.F. Betico Croes 210. E permisonan aki ta concerni

e.o. benta di bebida sterki por detal y cuminda pa wordo
consumi den e parcela. Durante dicho periodo aki tur hende
por expresa por escrito nan obheccion contra dunamento di e

permisonan menciona, dirigi na e Minister encarga cu
Salubridad, via intermediacion di Director di Legislacion y

Asunto Huridico, Oranjestraat z/n.