Page 61 - KPA MAY 28

Polis investigando un explosivo tira na entrada
di un cas na Edenstraat

3 hora pasa , 28 di mei 2015 12:53
Seccion: incidente

Diahuebs merdia a drenta informe di un explosion na un cas den Edenstraat, mesora a dirigi un
patruya na e sitio. Na yegada di e patruya a bin descubri cu aki ta trata di un explosivo cu lo a ser
tira na e entrada di un cas. E explosivo aki a dal un spiel abao buta den e veranda di e cas y esaki
a kibra. E porta di e cas tabata habri y e dama tabata den cushina una bez cu e dama a tende e
spiel kibra ela bini dilanti pa wak y e explosivo a explota y a herida e dama na su pecho. E tegel
di e vloer tambe a keda destrui. Polis a informa e habitantenan cu e team investigativo forensyco
di polis lo bini y sigui cu e investigacionnan aki. Na e humilde opinion di nos colaborador aki ta
trata di un tipo di vuurwerk di hopi potencia. E sonido aki a spanta full e vecindario te hasta un
vehiculo cora cu tabata pasando na e momentonan ey.

http://www.awe24.com/r21929