Page 29 - IVA

Ezzard Cilie kende ta e director medico di Dr. Horacio Oduber Hospital, a splica cu

social media no ta na prome instante loke cu e mes ta lesa y tene cuenta cun’e. Tin un

relacionista publico y ora cu e ta haya señalnan cu ta rekeri atencion, den e casonan ey,

Cilie ta wak nan.

Awor aki a haya dos di e mensahenan ey y no por comenta directamente riba nan. Esaki

ta algo toch basta serio. Apesar cu e ta sali den social media, semper mester wak

retrospectivamente kico ta loke a sosode y si berdad por tabata tin fayo.

Hecho ta cu social media, “anything goes” y ken cu ta haya ta bon ta duna su propio

opinion, sin laga esnan concerni, of esnan cu tin conocemento di e materia, duna un

opinion riba dje. Tambe Cilie tin limitacion, mirando cu no por bay riba casonan

specifico, pa proteccion di privacidad di e mesun pashent y secrecia cu tin door di e

profesion.

Cilie a lesa algo di dje y no ta sigur di locual cu a lesa, pero awo internamente nan ta

investiga kico a pasa. Si ta algo internamente cu no ta riba dje, semper ta tuma accion

riba dje. Ta percura pa mantene esey tambe.

Comentario

Tin biaha ta tende comentario cu nan ta bay eerste hulp y despues di a bin varios biaha, ta

haya paracetamol y bay cas despues. Ezzard Cilie ta splica cu berdad ta parce den forma

rutinario ta haya paracetamol. Paracetamol ta esun cu tin menos impacto cu ta core

menos riesgo riba dje. E unico chens ta cu e por yuda e pashent. Pesey hopi biaha ta

wordo escogi pa e medico pa duna paracetamol. Aki un of dos aña ta algo otro. Nan no ta