Page 32 - FDLP
P. 32
Na minuut 9 caba Francis (Killer), cu a pone hopi presion dilanti den ofensiva y
defensiva, ta los un tiro cu ta dal den tubo di Nacional y na minuut 14 Dakota ta anota e
promer gol di wega den pia di de Sousa cu a haya su mes liber na banda drechi net na
rand den area penal y ta fusila portero Jose Cruz pa bay ariba 1-0. Despues di e gol nos a
spera cu Nacional lo cuminsa domina bala pero tabata mas bien Dakota cu a sigui cu
presion y den atake pero si cu menos precision cu anteriormente, prome cu e gol a cai.
Ta te na minuut 24 e Dragonan finalmente a coi nan ritmo cu mas salida y yegada awo,
Dakota tambe debi na nan imprecision y slordigheid y den un di e momentonan ey mes
Devis Oliveros, cu por hasi hopi cu poco, a laga atras e defensa, cu tabata solido te n’e
momento ey, y no a perdona pa hasi e wega 1-1.
