Page 12 - AM230301

12 DEPORTE AWEMainta Diaranson, 1 Maart 2023

Aruba lo ricibi bishita di presidente di COI, sr. Thomas Bach

iamars atardi, dilanti di nan oficina situa den
D Vondellaan, Comite Olimpico Arubano (COI)
a tene un conferencia di prensa, relaciona cu un
delegacion di ehecutivonan deportivo encabesa

pa e Presidente di Comite Olimpico Internacio-
nal, sr. Thomas Bach, cu lo ta na Aruba pa un
bishita di trabou, dianan 10 y 11 di maart prox-
imo.

Den su calidad di presidente di COA, sra. Wanda
Broeksema a hiba palabra splicando e bishita di
sr. Thomas Bach na Aruba. “Awe presidente Bach

a sali for di Suisa pa bishita e region di Caribe.
Den e periodo di 28 di februari pa 11 di maart,
shete pais y isla lo haya bishita di presidente
Bach y e delegacion, unda cu 10 y 11 di maart e

lo ta na Aruba pa dos dia.

Tabata 35 aña pasa cu un presidente di Comite
Olimpico Internacional a haci un bishita na Aruba.

Esaki tabata na 1988 den persona di Juan Antonio
Samaranch, awe den feliz memoria. Pa COA e
bishita di Presidente Bach ta uno hopi importante
paso nos por mustra kico COA ta haciendo cu e

fondonan cu nos ta ricibi for di Panam Sports y
Olympic Solidarity, Sra Broeksema a bisa.

Mester bisa cu e delegacion di ehecutivonan

deportivo, banda di sr. Thomas Bach ta consisti
di Sr. Neven Ilic kende ta presidente di Panam
Sports y tambe sr. James MacLeod cu ta e Director
di Olympic Solidarity. For di ambos instancia,

Comite Olimpico Arubano ta haya e fondonan
nesecario pa su atleta y federacionnan deportivo.

Segun Sra. Broeksema e programa lo bay ta dos

dia extenso, mirando cu lo haci varios bishita
na dignatarionan importante di nos pais. “E
diabierna na e yegada lo bishita Su Excelencia
Gobernador di Aruba, Sr. Alfonso Boekhoudt y

despues tambe Conseho di Minister President di
Aruba.

E mesun anochi lo tin un encuentro cu e “busi-

ness community” di Aruba unda lo splica e impor-
tancia di deporte pa un pais y pakico mester
inverti den nos atletanan local. E diasabra lo tin
un mainta special ya cu lo inaugura e oficina di

Comite Olimpico Arubano situa den Vondellaan”,
sra Broeksema a termina bisando.