Page 14 - DE MEZA_Neat

Alvin Koolman, Director Di RdA N.V: Energia
Alternativa Ta E Caminda Pa Futuro

 Local

 Politica
- 04/05/2017

Prijs di petroleo lo keda subi Na october ultimo, Refineria di Aruba (RdA) N.V. a firma e
contract cu Citgo y Valero pa traspasa tur propiedad pa RdA N.V.Awor nan tin 3.7 miyon
m2 di tereno na henter e parti ey, pero tambe RdA a negosha cu Citgo cu no tur e
terenonan cu antes tabata pa Valero lo pasa automaticamente pa Citgo.Solamente e area
cu ta necesario pa refinacion y e parti terminal. Tin basta tereno disponibel pa Aruba pa
proyectonan actual y futuro. Un di nan ta e parke solar cu lo ocupa 92 mil m2 di tereno cu
lo genera 5.9 megawatt.“Kiermen nos no a basila cu e ta un tereno habri y no ta uz’e
aworaki”, asina director di RdA N.V., Alvin Koolman, a remarca.Pa algo manera energia
alternativa, e tereno aki ta bon pa un proyecto asina.Actualmente no tin niun tereno duna
pa proyectonan pasobra tin hopi cu ta den fase manera esun di energia alternativa. Tin
hopi pensamento y a menciona 9 area cu ta den negociacion.Tin BSL Laundry, Zeewijk,
ta bira disponibel y eynan caba por mira cu mester haci limpi y despues habri pa otro
proyectonan por bin. E parti unda e parke solar ta bin, ainda tin mas tereno disponibel
unda cu por haci uzo pa otro proyecto. Den e proximo añanan lo mira basta aspecto di
proyectonan.RdA no ta participa pero a duna e tereno disponibel pa full proyecto di WEB
y Elmar.“Nan 2 a traha y nos a djis duna e tereno disponibel. Esey ta nos forma di
participa. E ta sali nos masha bon pasobra bo ta cuminsa pensa kico bo ta pasa den
futuro”, Alvin Koolman a remarca. Energia alternativa ta e forma cu mester bay, pasobra
no por keda depende di combustibel fossiel pero basicamente poco poco energia
alternativa ta tuma over.E prijs di petroleo ta keda caro y ta mira cu e ta sigui subi,
kiermen mester bay den un forma cu ta hacie mas rendabel y mas efectivo y energia
alternativa ta e ruta cu mester bay den futuro.