Page 6 - ARUBA BANK
P. 6
E di 3 evento anual di golf di
Aruba Bank tabata un exito
8 May, 2017
0
Aruba Bank a recauda binti mil florin (AWG.20,000) pa su evento caritativo e fin
di siman aki durante di su “Annual Aruba Bank Golf Invitational 2017” cu tabata
Sold Out! E fondonan a wordo presenta den forma di un cheque na Lily Prins di
Wilhelmina Kanker Fonds durante di e cocktail party rond di piscina di Tierra Del
Sol.
E torneo cu tabata un “4- Man Scramble” a consisti di trint’i dos (32) team.
Oliver Riding, Director di Golf Operations di Tierra Del Sol a presenta e
resultadonan y a comparti esakinan cu esunnan presente. Na prome luga a keda
e ekipo di Los Playeros y e ekipo di Primito Pest Control na di dos luga. E “Hole-
in-One” a wordo presenta pa MasterCard Business Credit Cards cu un
oportunidad pa gana US$ 75,000.00. Y e “Second-Hole-in-One” a wordo
introduci cu e oportunidad pa gana un Hyundai Ionic nobo.Managing Director
Michiel Helfrich y Executive Director Gina Habibe a haci entrega di e cheque na
e representantenan di e fundacion y tambe a felicita e ganadonan na nomber di
Aruba Bank y a haci entrega di e trofeonan corespondiente.Wilhelmina Kanker
Fonds ta traha pa preveni y lucha contra cancer na Aruba. Nan ta duna sosten
na pashent di cancer cu ta biba na Aruba y ta depende unicamente riba
contribucion di e comunidad pa por continua cu nan labor tur aña.
Ganadonan den otro categoria a inclui Gino Pourier pa e “ closest to the pin
front half” y Cisco Quant pa e “ back half”. Un danki enorme ta bay na tur
participante cu un biaha mas a apoya Aruba Bank pa logra e meta di sigui
sostene esfuersonan caritativo den nos comunidad!
