Page 10 - KPA NOV 17 2015

AWEMainta Diamars, 17 November 2015 27

Conoci Rama
a desmantela

airco

CENTRAL a manda Polis diadomingo 01.30,

na Ponton, na haltura di Panaderia y Pasteleria
Espigia di Oro, unda tin ladron den e lugar.
Eynan Polis a constata cu e hekwerk banda di e
edificio ta habri. Polis a drenta y a mira un cabes
di un homber. Polis a grite y a mira banda di
dje, algun articulo riba vlur, cu ta pertenece n’e
edificio.
Polis a detene e homber G.E. Rama, como
sospechoso di ladronisia. Despues di un control,
Polis a mira cu un di e airconan di e lugar a wordo
desmantela.
For di dje, e sospechoso a saca algun piesa. E parti
di e airco a wordo confisca pa investigacion. Den
su tas Polis a haya un schroefdraai, un beitel y un
pins cu a keda confisca.
Polis a hibe warda di Polis, unda el a keda sera
pa investigacion.

Homber y muher
a haya golpi

E MUHER M. a bay warda di Polis diadomingo

23.00, pa duna keho di maltrato contra dos
persona.
E ta bisa cu dies minuut pasa, e tabata hunto cu
su amigo J.M. den Flamboyan y dos homber cu e
no conoce tabata ranca su cabey.
Su amigo a bay atende e hombernan y nan a dale
cu mokete den su cara. E hombernan a dale tambe
den su cara.
Polis a bay na Flamboyan na unda M, a mustra
Polis e hombernan. Relaciona cu esey, nan a keda
deteni pa maltrato.