Page 15 - NAGICO

Djabièrnè 6 Yüli 2018 39
Kontinuashon di pagina 6
Seguradonan di Ennia

Manera EXTRA a informá
den su edishon anterior
CBCS a aserka korte na
kuminsamentu di e siman
aki despues di haña
informashon ku a saka
100 mion dòler for di un
di e kompanianan den e
grupo Ennia. A saka e 100
mion dòler aki for di un
kompania ku no ta kai bou
di supervishon di Banko
Sentral. A traspasá e plaka
pafó di Ennia i esaki a pone
e solvabilidat di Ennia den
problema.
E akshon aki di parti di
Ennia ta hustamente
loke CBCS ta splikando e
kompania basta tempu kaba
ku no ta posibel konforme
e lei di Harmonisashon
ku a pasa na 2015. Ta for
di e momentu ei Ennia
no ta solvabel. (red. E lei
di harmonisashon ta den
kuadro di kombatimentu
di labamentu di plaka i
finansiamentu di terorismo).
Jose Jardim a splika ku ta
un proseso ekstenso CBCS
a hiba ku grupo Ennia, sin
ku e grupo tabata sigui e
instrukshonnan di Banko
Sentral. último 6 lunanan
Banko Sentral a intensifiká
e instrukshonnan, pero
mirando ku no ta logra
debí na diferensianan di
opinion ku e grupo no a
keda Banko Sentral otro
alternativa pa pidi korte
outorisashon pa e medida
di emergensia. E kompania
di seguro mester tin aktivo
ku ta permitie kumpli ku su
obligashonnan, pero den e
kaso aki 90% di aktivonan
di e kompania ta pafó. Esaki
ta kontra di reglanan stipulá
pa Banko Sentral.
Penshun i pago seguronan

E direktor finansiero
ekonómiko interino di
Banko Sentral na diferente
okashon, durante di e
konferensia di prensa,
a keda enfatisá ku niun
momentu so no ta na
diskushon si Ennia por
kumpli ku pago di penshun
i otro pólisanan di seguro
ku klientenan tin na e
kompania. Banko Sentral
ta bisa ku Ennia por kumpli
ku su obligashonnan. E
intervenshon di CBCS ta
hustamente un refuerso
pa Ennia por sigui kumpli
tantu na Kòrsou komo na
St.Maarten.

aviso@extra.cw di nos e ta