Page 14 - ROBERT CANDELARIA

Parlamentario Robert Candelaria: Reunion Riba

Recogemento Di Sushi, Bari For Di Agenda, Pero

Medida Lo Drenta Na Januari

 Featured

 Politica
- 23/07/2018

Apesar cu Gobierno a dicidi di pospone cobransa na pueblo pa recoge sushi di cas, e
situacion no a wordo aclaria y soluciona ya cu e medida ta keda colga pa un tempo y pa
dia prome di januari 2019, esaki lo drenta na vigor.
Parlamenario Robert Candelaria di fraccion di AVP ta mustra cu lider di fraccion di
MEP, Rocco Tjon a pidi un reunion publico pa Minister di Infrastructura, Otmar Oduber
bin splica Parlamento, di con e kier a introduci e cobransa pa recogemento di sushi di cas,
mientras cu Parlamento ya caba a aumenta e presupuesto d Serlimar den presupuesto
2018.

“E medida di extra cobransa pa recogemente di sushi, Minister Oduber a anunci’e net
prome cu tur medida cu Gobierno a anuncia contra pueblo, cu tabata prome di juli y esey
riba su mes caba ta alarmante.
E forma con e Minister kier a haci’e, nos tabatin hopi pregunta riba esaki entre otro si ta
un decision di Conseho di Minister of ta un decision di Minister Otmar Oduber riba su
mes.
Con e cos aki a yega riba mes, nos a mira cu fraccion di MEP a sali dilanti hopi liher y a
mustra cu esaki no por y nan a haci cierto pregunta.

Sinembargo e pregunta cu mi ta haya mas crucial tabata dia cu mayoria den Parlamento a
aproba e presupuesto, a aproba un suma extra pa Serlimar caba pa aña 2018.