Page 47 - MIN ECEM

AWEMainta Diamars, 4 Juli 2017 33

Famia AVP ta yama

Arondino Croes bon bini

CU un concentracion grandi di famia di AVP, asina
a ricibi Arondino Croes riba e lista di partido diado-
mingo atardi pa anochi.
Arondino Croes ta un ex Parlamentario cu tabata
afilia antes n’e partido di oposicion, pero cu a recon-
oce e diferencia den vision y liderazgo y tambe e
progreso cu esaki ta trece pa nos isla.

Conviccion y curashi n’e filosofia principal tras di su
boluntad pa sirbi pueblo y esey ta calidadnan cu AVP
ta balora y lo pone na bon uso pa Aruba.
Pesey Mike de Meza a yega cu un caravana di auto for
di pariba, mientras cu for di pabou lider Mike Eman
y otro candidatonan a yega Santa Cruz cu centenares
di simpatizante.
Tur hende a bin hunto pa participa den e mini jump
up cu a sali for di Rowiginis cu guia policial dor di
su gran tamaño.

Punto final tabata residencia na Macuarima caminda
amigo y coleganan di Arondino Croes a hiba palabra,
incluyendo lider di Partido di Pueblo Arubano mani-
festando e bon bini oficial riba lista di AVP.
E actividad a culmina den oranan tempran di anochi
despues cu tur esnan presenta a disfruta enormemente
di e presentacion di bandanan N Fuzion y Buleria pa
sera otro grandioso fin di siman di AVP na caminda
pa un victorio historico dia 22 di september.