Page 4 - MIN ARENDS

Esfuerzonan continuo di parti di Aruba Tourism Authority y Aruba Airport
Authority, hunto cu otro socionan clave den e industria aereo a percura pa un
relacion fructifero cu e aerolinea Mericano Southwest. E vuelo inaugural di e
aerolinea aki pa Aruba a tuma luga tres aña pasa, bek na juli 2014 cual tabata,
por cierto, Southwest Airlines su prome vuelo internacional. For di e tempo ey e
cooperacion a crece.

E vuelo diario di Southwest entre Aruba y Fort Lauderdale tin un capacidad di
143 pasahero riba un avion Boeing 737. E Southwest concourse nobo y
renobacion di Terminal 1 cu ta consisti di 5 gate, ta parti di un renobacion
masivo di Hollywood International Airport cu ta programa pa keda cla na 2020,
aunke ya caba e aerolinea a realisa un ‘sneak peek’ na juni ultimo. Pasashinan pa
e vuelo nobo di Southwest Fort Lauderdale-Aruba a cuminsa wordo bendi caba
online por medio di nan website oficial.

Aruba Tourism Authority hunto cu entre otro Aruba Airport Authority lo keda
enfoca su esfuerzonan riba e mantencion di relacionnan cu socionan clave aki
den industria aereo, mescos cu ta e caso tambe cu e sector hotelero, crucero,
operadornan di tour, y demas, pa asina alcansa e metanan cu e entidad tin fiha
pa su mes cu e obhetivo di diversifica y fortalece turismo di nos isla.

http://arubanative.com/2017/07/28/aruba-tourism-authority-southwest-airlines-ta-expande-e-
posibilidadnan-for-di-merca/