Page 38 - MIN.SOC MARCH 12,2015

Banda di enfoka riba hubentud, e prome Feria Social a logra mas di 300.000 florin pa e fundacionan cu
ta participa den e Feria Social. "Esaki ta un win win pa hobenan, comunidad y fundacionan.

Nos kier planta un simiňa den curason di nos hobenan. Cu e proyecto Feria Social, 100 hoben lo dedica
nan mes pa sera conoci cu e fundacionan na Aruba. Nos kier planta e simiňa social den nan curason. Nos
kier hasi nan consciente cu a retonan social di nos pais ta grandi. Nos kier stimula nan pa hasi trabou
boluntario den futuro", asina Minister Paul Croes a enfatisa di e Proyecto Feria Social.

Feria Social ta un prome programa Nacional di Hubentud participando na 20 fundacionan na Aruba. Un
total di mas di Awg. 300. 000 florin a keda realisa cu apoyo di organisacionan comercial y
comunidadnan na Aruba. "Un bunita ehempel ta esun di e comunidad Dominicano, cu lo participa
apoyando e fundacion Sonrisa/Trampolin pa Trabou financieramente pero alabes a pidi pa hobenan
dominicano residencia na Aruba tambe participa. Esaki sigur ta un bon ehempel di integracion positivo",
Minister Paul Croes a mustra. Minister Paul Croes ta kere cu Feria Social lo tin varios efecto positivo
cune. Banda di e enfoke principal cu ta hobenan, fundacionan tambe lo haya un aporte financiero
adicional. Pero e envolvimento comunitario tambe ta keda importante. Minister Croes su enfoke ta pa
apoya e fundacionan cu ta participa na e prome Feria Social pero tambe otro fundacionan social.

http://www.24ora.com/politica-mainmenu-18/92800-minister-paul-croes-mas-di-300000-florin-extra-
pa-nos-fundacionan-social

Camara di Comercio a reuni cu Minister Paul
Croes: nos tur kier mihor pa nos pais

· Mar 11th, 2015
· Local

“Mas productividad, un desaroyo sostenibel pa henter nos pais incluyendo San Nicolas, proteccion di nos
mercado laboral na momento di inversionnan grandi, y algun cambionan di ley tabata e topiconan
principal di e encuentro entre Camara di Comercio y Minister di Labor Drs. Paul Croes. Den cuadro di
ronda di consulta cu Minister Paul Croes ta ehecutando cu varios partnernan social, a toca turno pa
Camara di Comercio intercambia idea y preguntanan cu nan tin riba e desaroyo di nos pais. Algun topico
cu a resalta durante e reunion hunto cu e Presidente recien eligi di Camara di Comercio sra. Daphne
Lejuez-Cesario y Director Leo Maduro hunto cu consehero sra. Roxanne Wolf, tabata productividad di
nos pais, desaroyo di San Nicolas y tambe e leynan laboral di nos pais. Ta asina cu e mandatario
encarga cu Labor a mustra CdC cu su maneho pa 2015/2016 lo pone mas enfasis na Productividad di e
forza laboral. E forma di haci esaki ta entre otro door di kita bareranan innecesario pa comercio por
funciona. Esaki semper buscando e balanza pa asina duna e proteccion necesario na e trahador.