Page 10 - WEB 5 MAART 2016
P. 10
Flie a causa interupcion di coriente den Paradera
Friday, 04 March 2016 22:27
Comparti
Diabierna alrededor di 8:45pm diripiente coriente a bay den varios area den e districto di Paradera.
NV Elmar a mobilisa mesora y a bin topa e fayo dor di un flie cu tabatin metal den e rabo, cu a pega den e
liñanan di coriente cu consecuencia cu a causa un "short", locual ta haci cu fuse a bula mesora.
Tecniconan di NV Elmar a constata cu e areanan afecta tabata Paradera un parti, Pavia, Piedra Plat y
Sero Preto. Algo pasa di 10:00pm logra drecha e fayo y a reconecta coriente atrobe pa tur hende.
Tur aña den e temponan aki, ora cu tin dia 18 di maart y celebracion di Aña di la Reina, tin hopi
hisamento di flie cu ta pega den e wayanan di coriente. Ta importante pa evita partinan di metal den e
flie of e rabo, pasobra asina cu e pega den e kabelnan di coriente, e ta causa un "short". Habitantenan ta
keda afecta dor di interupcion di coriente, sin cu NV Elmar tin esaki den nan man.
