Page 18 - AWEMAINTA

18 AWEMainta Diahuebs, 7 Juni 2018

Den cuadro di transparencia

Minister Otmar Oduber ta urgi partido Raiz

pa duna informacion corecto

MINISTERIO di Infrastructura y Medio Ambiente un bes mas a

tuma nota di publicacion haci dor di Partido Raiz pa locual ta ley di
‘Landsverordening Openbaarheid van Bestuur’ (LOB) y informacion

ricibi di proyecto Isla di Oro.
Na prome instante ta reconoce e esfuersonan di Partido Raiz pa

promocion di transparencia como tambe nos medio ambiente cual
ta netamente puntonan di enfoke di Ministerio.

Sinembargo por a tuma nota di e articulo publica dia 5 di juni 2018

dor di Raiz, cu informacion incorecto ta wordo treci dilanti den
medionan di comunicacion.

Minster Otmar Oduber ta lamenta esaki profundamente pa motibo
cu mal informa comunidad ta conduci na perhudica e causa cu Raiz

hustamente ta para pe.

Den carta ricibi di Raiz 7 di mei 2018, Minister den menos di mitar
dia a reacciona y invita Raiz pa un reunion e siguiente dia. Den e

carta aki a por tuma nota cu e peticion di Raiz netamente tabata
‘om Raiz van kopieën te voorzien van alle documenten die door de

ontwikkelaar van het voornoemde project zijn ingediend ter attentie
van het Ministerie van Ruimtelijke Ontwikkeling, Infrastructuur

en Milieu, in ieder geval kopieën van de social-economic impact
assessment en de environmental impact assessment’.

Locual cu a Raiz a ricibi riba e USB stick den e reunion dia 8 di

mei 2018 ta tur documento cu Minister Otmar Oduber ta bisa di
tin di e desaroyadornan y hunto cu esaki e Environmental Impact

Assessment.
Durante e mesun reunion a comparti informacion cu Raiz pa locual

ta consehonan cu ainda tabata pendiente. A comunica claramente

n’e partido cu e consehonan aki no tabata na disposicion di su
Ministerio n’e momento di combersacion.
Ta lamenta profundo cu Raiz no ta transparente pa locual t’e

informacion aki.

Sinembargo partido Raiz semper ta keda cu libertad pa haci peticion
di nobo pa por ricibi cualkier informacion, cual peticion lo wordo

evalua conforme e LOB.

Minister Otmar Oduber no ta bay den polemico y ta reconoce
entusiasmo di e partido hoben aki y ta admira e causa cu ta luchando
pe, sinembargo ta sumamente importante ora cu ta informa pueblo

pa haci esaki corectamente den cuandro di dicho transparencia.