Page 66 - ATA

Minister Oduber y KvK a elabora riba

desaroyo ROP

March 12, 2018
58

E comision di ROP
di Camara di Comercio y Industria di Aruba (KvK) a tene un reunion hunto cu
minister di Infrastructura y Medio Ambiente, Otmar Oduber, entre otro
tocante peticionnan pa tereno cu ta drenta na cantidad. Tambe a papia tocante

e dump na Parkietenbos y kico e importancia di un ROP (Ruimtelijk
Ontwikkelingsplan) ta.

Durante e reunion a intercambia varios punto cu ta di importancia pa desaroyo di Aruba

y su economia. Minister Oduber a indica cu e ta ‘comparti e importancia di un ROP y ta
bay traha duro pa por tin e ROPv finalisa durante 2018’.

Segun e comunicado di KvK, a indica cu agricultura tambe ta un sector cu tin su

atencion y lo sigui observa su desaroyo pa e yega na bira un pilar economico mas
importante pa nos pais. Asina tambe kier stimula e desaroyo di ‘green houses’ y e
cultivacion di productonan via hydroponics of otro metodonan innovativo. Tambe lo
pone mas atencion pa e proteccion di area berde pa proteha nos naturalesa. E

legislacion di medio ambiente tambe ta wordo considera importante den e ROP y ROPv.