Page 7 - ATA 21 NOV 2015
P. 7
22 AWEMainta Diasabra, 21 November 2015
Concierto ABC na Corsou
3 anochi di musica folklorico completamente den nos dushi idioma Papiamento
FUNDACION Mi Cutisa tabata na Corsou e fin
di siman tras di lomba cu un delegacion musical y
cultural consistiendo di e cantante Jossy Brokke Jr.,
musiconan bao di guia di Johnny Scharbaai, coristanan
y boluntarionan di Fundacion Mi Cutisa durante
e Concierto ABC cual a tuma lugar den BECAUSE
Entertainment Center.
Pa Boneiro a presenta e cantante Wesley St. Jago y su
banda Sabor Crioyo y pa Corsou a presenta e cantante
Ced Ride y su banda Folklor.
E publico di Corsou por a presencia 3 anochi di musica
folklorico completamente den nos dushi idioma
Papiamento.
Fundacion Mi Cutisa kier a gradisi Prins Bernhard
Cultuurfonds Caribisch Gebied inmensamente p’e
subsidio otorga n’e proyecto aki y tur e otro sponsornan
entre otro Grupo Bereya y Top Start p’e sosten financiero
risibi p’asina e delegacion musical y cultural di Aruba
por tabata presente na Corsou.
Fundacion Mi Cutisa ta sumamente orguyoso di a inicia e
proyecto aki y ta gradici Fundacion Ced Ride pa Semper
na Corsou y Fundacion Sabor Crioyo na Boneiro pa join
e intercambio cultural aki. Hunto nos a logra di pone
e evento aki rib’e mapa historico di e islanan di Caribe
Hulandes di habla Papiamento.
