Page 17 - AWEMAINTA
P. 17
Diasabra, 1 Februari 2020 AWEMainta 17
Chauffeur (59) cu a accidenta a bira
malo tras di stuur y despues a fayece
DIAHUEBS anochi pa mas o
menos 11’or Polis y ambulance
a wordo pidi pa bay cu urgencia
Hooiberg Kavel, unda un acci-
dente a sosode y e chauffeur no
ta duna señal di bida.
Na yegada basta liher di e pa-
truya policial, enberdad nan ta
pidi pa ambulance bin maximo
urgencia, debi cu e situacion di
e chauffeur ta delicado.
Segun por a conpronde n’e sitio
ta cu habitantenan a scucha un
zonido duro y ora a sali wak a
bin topa cu e auto color cora. E
auto aki lo tabata biniendo for
di pariba den un caya situa den
Hooiberg Kavel mes.
Yegando e final di e caya e lo a
bira malo y sigui bay direccion
di cura y asina ta accidenta.
Na yegada di ambulancenan
mesora a cuminsa traha cune,
usando e aparato automatico di
CPR.
Paramediconan a sake for di e
auto y a pone riba e cama.
Aki prome cu a sali cune a haci
bastante preparacion y ora tur
cos tabata cla a sali cune direc-
cion Hospital, e chauffeur lo a
haya di dos atake.
Lamentablemente e cabayero
di fam R. Figaroa (59) no a so-
brevivi. Na maart awor e lo a
cumpli 60. Nos ta manda un
palabra di condolencia y forsa
n’e famia.
