Page 43 - MIN JUS

Arondino Croes: Maneho di 5 strea a yega den Santa Cruz
tambe

Wednesday, 12 July 2017 20:52
1

Comparti

Arondino Croes, candidato di AVP, tabata presente na ceremonia di groundbreaking pa un mini cancha
deportivo cu yerba artificial na Angochi y inauguracion di dos verkeerplateau cu a caba di wordo
construi.
“E proyectonan aki mester wordo aplaudi. Bo por wak cu Prome Minister Eman ta scucha pueblo y ta
aloca e placa di FDA a base di necesidad di e pueblo y crea felicidad pa e habitantenan di e barionan.”
Asina, el a bisa, por mira cu e pueblo di Santa Cruz a cuminsa experencia e maneho di 5 strea cu
Gobierno di Prome Minister Mike Eman a promove pa henter e pais. Poco-poco e ta yegando tur bario.
El a sigui bisa cu su persona y hopi hende ta contento cu Prome Minister Eman a hiba e desaroyo aki,
manifestando esaki fisicamente den Santa Cruz. Un otro habitante presente na e ceremonia tabata
Genaro Morillo. Cu hopi orguyo e habitante di Angochi Genaro Morillo a para banda di Prome Minister
Mike Eman pa inaugura e verkeersplateaunan cu a caba di wordo construi den e bario di Angochi.
E mandatario tabata den e bario aki dialuna atardi pa un ceremonia di groundbreaking di e mini cancha
deportivo cu yerba artificial cu e bario ta bay haya y inauguracion di dos verkeersplateau cu Gobierno a
construi riba peticion di e habitantenan. Esnan cu ta biba den e bario aki, principalmente den e area
di veld di Arsenal unda tin un caminda largo ta pasa cu ta permiti vehiculonan pasa na velocidad halto,
lubidando cu tin hopi persona ta cana na pia, coriendo bicicleta of hungando bala.

Despues di un combersacion cu Prome Minister Eman, a duna ordo na DOW pa construi dos
verkeersplateau pa cual e habitantenan ta masha agradecido. “Na prome luga mi kier manda palabra di
gradicimento na Gobierno cu a percura cu nos peticionnan a wordo realisa. Si bo mira den e bario aki con
e autonan ta pasa continuamente, cada bes nos ta pensa kico lo pasa cu e muchanan cu ta hunga canto di
caminda. E dos plateaunan a yuda mehora e situacion. Nos ta spera cu lo por
bini un mas.”