Page 61 - MIN JUS

Giovanni Capriles ta restringi pa lesa noticia y tin contacto cu
hende di afo

Wednesday, 12 July 2017 21:16
1

Comparti

Abogado Chris Lejuez ta representando un persona cu a wordo deteni bao di sospecho di un ke otro
motibo. Loke cu a capta atencion ta, cu e ta traha cu un minister
, kende ta un sospechoso bao di investigacion. Ta papiando aki di Giovanni Capriles. Lejuez ta conta di e
proceso di henter e detencion, a base di kico a detene y con e mes ta mira e proceso como experto den
casonan penal.
E ta splica cu basta luna pasa Landsrecherche a haci un inval di 13 tanto cas di persona, como negoshi,
oficina. Awor aki, Landsrecherche, hunto cu diferente unidad di polis, haciendo investigacion, ta
siguiendo e pasonan cu nan tin pa tuma pa sigui cu e investigacion. Tin den e caso eynan, diferente
sospechoso. Un di e sospechosonan ta minister Paul Croes. Nan tin actualmente dos persona deteni den e
caso cu nan ta bezig ta haciendo nan investigacion cu nan. Dos dia pasa, dialuna, nan a detene e persona
menciona, tambe den cuadro di e investigacion di e caso aki.
E motibo aparentemente, cu e meneer aki ta presidente di un fundacion Leadership and Excellence di
minister Paul Croes y e tabata atende cu e asuntonan ey.
E meneer aki ta someti na bevelbeperkingen, cu ta restringi actualmente den tur comunicado cu e lo por
tin. E no mag lesa corant, e no mag wak television, ni tin contacto cu hende pafo. Informacionnan cu toca
su caso ta interno te actualmente di polis y recherche.
Den e caso, tin bastante sospechoso. E fiscal majoor, e hoofdofficier e tempo ey a menciona cu tin varios
sospechoso den e caso. Bo por conta cu pa nan a drenta den bo cas, den bo oficina, mester tin
sospechoso. Hues comisario no ta duna permiso pa haci un huiszoeking, si no tin un sospechoso na e
direccion eynan. Bo por conta cu tin mas sospechoso den e caso aki cu probablemente of posiblemente
ainda lo wordo scucha door di autoridadnan, door di recherche cu ta trahando riba e caso aki.
Algun den libertad
Tin varios persona cu nan a detene. Tin di nan a detene hopi cortico, tin di nan a keda poco mas largo y
no ta deteni mas. Tin varios persona den e caso aki cu a wordo scucha y despues laga den libertad.
Investigacion
Segun Lejuez, tin un officier encarga cu e investigacion. E Fiscal aki ta hiba un supervision na e
investigacion. E investigacion mes ta wordo ehecuta door di miembronan di diferente unidad di
Recherche na Aruba.
Buscando cosnan
Abogado Lejuez ta sigur cu ta haciendo investigacion. Semper den tur investigacion ta purba na prome
luga, confirma loke bo sa caba y purba haya mas informacion. Esey ta sigur.
Algo robez?
A papia cu e cliente, pero esey ta un besprekking entre e y su cliente. Tin cierto cosnan cu no ta wordo
divulga entre un abogado y cliente. Locual lo pasa si, cu si e caso tuma su curso y si e cliente mester
responsabilisa su mes dilanti di hues, automaticamente tur locual cu tin den e file cu lo wordo uza contra
di dje, lo bira publico. Pero te na e momento eynan, naturalmente no ta tur ora por divulga tur
informacion den tur caso.