Page 86 - MIN JUS

Vrijmaking di Douane ta sigui cu servicio mas pesimo cu
nunca

Wednesday, 12 July 2017 20:56
1

Comparti

Pa miedo di represaya pa hopi anja un cantidad di compania di importacion y tambe comerciantenan
ta den un silencio riba e servicio di Douane.
Aki ta referi na e Servicio di Vrijmaking cu ta e departamento cu ta duna servicio pa atende cu
containernan cu carga y cu mester wordo habri. E kehonan cu tin pa hopi anja ta e falta di Douane. Ta
roga pa por haya un miembro di Douane pa asina bin atende cu e habrimento di Container. Un
container legalmente y oficialmente mester wordo haci liber cu instruccion di Douane. Ora bo importa
algo e mercancia mester wordo baha y controla pa Douane. Loke a pasa ta cu den diferente occasion
no tin Douane y mester keda warda tin biaha dianan largo. E companianan di importacion ta splica e
clientenan sperando nan carga tur cos. Na dado momento e comerciantenan sperando nan carga ta
kere cu e importador ta ganjanan. E ta un situacion frustrante cu tur dia mester atende cune. Tin tres
comerciante cu compania di importa carga cu tin tur dia un Douane pa nan so. Esaki ta loke ta hala
atencion di un otro cantidad di compania cu ta warda dianan largo pa haya un Douane pa asina por
habri nan container cu yega di exterior. Tur e tardanza di Douane ta causa mas gasto pa e compania. E
container ora e yega, mester baha su carga mesora y wordo manda bek mesun siman. Cada siman cu e
container keda riba Aruba ta costa placa di huur cerca e compania. Mescos cada dia cu e container
keda riba waf ta costa placa cu mesterpaga Astec. Tambe mester paga APA pa baha e container. Astec
y APA no tin piedad pa nan costonan. Ora cu cierto importador pone pia abou fuerte ta tende cu sea no
tin Douane den vrijmaking pasobra nan ta AO, of nan ta cu vakantie, den curso of nan ta afwezig. E
problema mas grandi ta cu e departamento di Vrijmaking no tin hende. Ora bo muda bin bek Aruba y
mester saca bo cosnan personal for di container, no tin ambtenaar pa atende cu e situacion. Ta haya
cu ta iresponsabel cu ta laga hende keda cas of haya vakantie mientras cu no tin hende pa Toets. Ta un
hende tin ariba pa atende cu e documentacion di Vrijmaking. Ora cu cada biaha ta cuestiona hefe di
Douane riba e tres companianan, cu si tur dia tin Douane pa Vrijmaking, ta tende expression cu si kier
ta stopnan. Esey no ta intencion segun importadornan. No mester stop e Douane na e otro compania.
Gewoon e situacion aki mester wordo regla di tal forma cu e ta conta pa tur hende igual. Trato igual ta
loke importadornan ta bogando pe. Parce cu ta maneho di management Team den pasado cu a
favorece tres compania y duna nan Douane tur dia. Importadornan di Container ta sinti cu e forma di
actua y atende di e departamento di Vrijmaking, ta un trato malo contra comerciantenan. No mester
trata comerciantenan malo pasobra nan ta esnan cu ta genera entrada pa caha di Douane cu ta caha di
pueblo.