Page 118 - MIN VOS

PriceWaterhouse Coopers a haci entrega di dos tas mas algun
materiaal na atleta elite di taekwondo, Monica Pimentel y

coach nacional, Teofilo Rodriquez di St. Tiger Taekwondo
Academy

Tuesday, 13 June 2017 17:30
Comparti

Recientemente e atleta elite Arubano den e deporte di taekwondo, srta. Monica Pimentel hunto cu coach nacional di Aruba, sr. Teo Rodriguez di St. Tiger
Taekwondo Academy a bishita e prestigioso compania PriceWaterhouse Coopers unda nan a ricibi un donacion den forma di dos tas mas algun materiaal
di necesidad pa cu nan biaha pa e campeonato mundial di taekwondo aki dos siman na Sur Korea.

Mester bisa cuLotto, e loteria national di Aruba hunto cu sector priva a yuda sponor e biahe aki,principalmente entre otroe compania PriceWaterhouse
Coopers cu afungi como co-patrosinado pa e biaha aki di e atleta Srta. Monica Pimentel. Lotto ta masha contento cu e patrosinio di e compania PWC den e
forma aki bo por papia di un sorto di Public Private Partnership(PPP) den deporte, unda sector private y (semi) public ta duna su aporte valioso na
deporte. Esaki sigur ta na un desaroyo duradero di nos atletanan. For di man di e representante di PriceWaterhouse Coopers, sra. Kimberly Maduro y den
presencia sr. Flavio Faneyte, miembro executivo di bestuur di St. Fundacion Lotto Pa Deporte, srta. Monica Pimentel y coach Sr. Teofilo Rodriguez a ricibi
e dos tasnan. Fin di luna awor atleta Monica Pimentel lo competi den e mundial di taekwondo na Seoul, Sur Korea. E campeonato mundial ta di suma
importancia pa nos atleta elite mirando cu Pimentel lo trata na logra su clasificacion pa asina drenta den e Grand Prix di taekwondo unda e miho 32
atletanan rond mundo so lo competi pa asina bringa den eventonan di taya manera e campeonato Mundial y Weganan Olimpico. E atleta Pimentel di
Aruba falta solamente 11 punto pa drenta den e top 32 y ta spera di por logra esaki durante di e campeontato mundial.

Na 2016, srta. Monica Pimentel a hasi historia pa Aruba door di bira e prome atleta den e deporte di taekwondo cu a logra clasifica pa un Weganan
Olimpico, den e caso aki Rio de Janeiro, Brasil. Tanto Lotto,e loteria national di Aruba y Pricewaterhouse Coopers kier a desea e atleta Monica Pimentel y
su coach Teofilo Rodriguez tur clase di exito den e mundial di taekwondo na Sur Korea. Lotto ta sigi cambiando bida di nos atleta nan, pues publico en
general sigi aporta na Lotto dor di cumpra segun bo forza financiero.