Page 16 - MIN VOS

E aña aki, mescos cu aña pasa, e fondonan recauda cu e inscripcionan lo ser dona na
Cruz Cora Aruba cu actualmente ta celebrando nan 60 aña di existencia. Pesey
Amsterdam Manor ta duna un y tur e oportunidad pa hasi nan donacion tambe, y di e
manera aki e cantidad di fondonan cu wordo adkiri pa medio di donacion lo ser

complementa pa un suma igual, cortesia di Amsterdam Manor.

Naturalmente manera tur aña Cas Shabururi lo tey presente pa duna un man y otorga e
medalla nan, sin lubida e propio empleado nan di Amsterdam Manor cu lo ta posishona

na cada post di awa. Nos ta invita henter nos comunidad pa apoya e di tres edicion di
e International Amsterdam Manor 10K race & e 5K fun run/walk mirando e importancia
cu Cruz Cora tin den nos comunidad.

Participacion y registracion pa local ta 25 florin y pa e competidornan internacional lo ta
$25 dollar. E prijs di registracion ta inclui: 1 Amsterdam Manor 2017 Dri-Fit Shirt cu
manga of sin manga, 1 Amsterdam Manor 2017 number di Bib, 1 medalla di
Amsterdam Manor 2017 pa tur cu a participa, fruta y bebidanan no alcoholico; tambe, e

posibilidad pa gana diferente premio cu lo ser rifa entre e participante nan.

Otro beneficio cu lo ser ofreci na tur particpante ta cu e lo por hasi uso di un 15% di
descuento na Tulip Caribbean Brasserie situa na MVC Eagle Beach. Especialmente cu ta

riba dia di Tata y esaki lo ta un bon oportunidad pa e Mamanan hasi nan casa un regalo
cu un dushi plato di Tulip.

Si acaso a inscribi on-line pa e di tres International Amsterdam Manor 10K Race en 5K

Fun Run / Walk, pero esaki no a ser paga ahinda, pasa más pronto cu ta posibel na
MVC Eagle Beach’s su oficina di Recurso Humano aya na J. E. Irausquin Blv. 240 y
puntra pa Sra. Suzanne Verbrugge of Srta. Varsha Ramdin. E ultimo dia pa busca esaki
ta Diadueps 15 juni’2017. Ta ser aconseha pa pasa lihe ya cu e size nan di cada ken su

gusto ta cabando. Sin pago, no por garantisa bo participation den e race.